TEMI.mk

Dimitar Kovacevski

Повторно дел од Самитот Македонија 2025.
Денес започна престижниот Самит на Македонија 2025 на кој главни теми се економијата, дигитализацијата, вештачката интелигенција, иновациите и новите технологии и улогата на дијаспората во националниот раст.

#macedonia2025 #македонија2025

Dimitar Kovacevski

Честит 9 Мај, Ден на победата над фашизмот и Ден на Европа!

9 Мај датум на два големи настани во историјата на Европа и на нашата земја.

Денес славиме заедно со сојузничките сили и прогресивни народи заедничка победа над фашизмот.

Го славиме и денот кога францускиот министер за надворешни работи, Роберт Шуман, повика да започне изградбата на нова Европа со што отпочна процесот на европската интеграција кој ќе биде крунисан со она што денес претставува Европската Унија.

Dimitar Kovacevski

Денес бев дел од парламентарната делегација предводена од претседателот на Собранието во посета на Италијанската Република.
Остваривме најпрвин средба со г. Лоренцо Фонтана, претседател на Долниот Дом на Италијанската Република.

Следуваа средби со сенаторката г-ѓа Ема Паванели, претседателка на Билатералната група за соработка со државите од Балканот на Италијанскиот Парламент и членовите на Групата, по која следеше средба со г. Џулио Тремонти, Претседател на Комисијата за надворешна и европска политика, Дом на пратеници на Парламентот на Италијанската Република. На средбата присуствуваа и членовите на Комисијата, како и со г. Џиљо Виња претседателот на Комисијата за политики за ЕУ.

Средбите уште еднаш ја потврдија поддршката на Италија за евроинтеграциите на Република Северна Македонија и заложбите на Италија во таа насока со оглед на тоа дека проширувањето на ЕУ не е придобивка само за аспирантите туку и за самата Унија.

Се согласивме дека одлична политичка соработка, како и динамична економска соработка нуди простор за натамошно продлабочување и проширување во сите сфери од замен интерес.

Dimitar Kovacevski

Форумот на жени на СДСМ вечерва организираше прекрасен настан по повод Денот на македонскиот јазик.

Присутните панелисти и гости зборуваа за убавината, силата и значењето на македонскиот јазик, темел на нашиот идентитет.

Заедно го славиме и Законот за македонскиот јазик, донесен од СДСМ, како трајна посветеност на зачувување и унапредување на националниот идентитет.

Беше задоволство да бидам дел од вечерашнава трибина „Јазикот наш единствен е“, организирана од Форумот на Жени на СДСМ.

Dimitar Kovacevski

Денес Собранието го одбележа 5 Мај - Денот на македонскиот јазик, а по повод јубилејот 80 години од кодификацијата на македонскиот јазик.

Во рамки на настанот тематски обраќања за 80 годишнината од кодификацијата на македонскиот јазик и за младите и употребата на македонскиот јазик имаа деканот и универзитетски професори од Филолошкиот Факултет „Блаже Конески“, наставници по македонски јазик, членови на Комисијата за култура и туризам и писатели.

Dimitar Kovacevski

На денот на загинувањето на македонскиот револуционер Гоце Делчев, ги чествуваме неговиот живот и дело како инспиратор и двигател на македонската револуционерна организација и оддаваме почит кон неговиот историски придонес за остварување на историската идеја за правото на Македонците да го остварат вековниот сон за самостојна македонска држава.

Неговата порака за светот како поле за културен натпревар меѓу народите до денес не изгубила од својата актуелност и го вбројува Делчев во редот на светските хуманисти.

Слава му!

Dimitar Kovacevski

Денеска во Собранието се одржа конститутивна седница на Меѓупартиската парламентарна група за следење на имплементацијата на обврските од Берлинскиот процес и реформската агенда од Планот за раст.

Работни теми на групата ќе бидат: степенот на реализација на обврските поврзани со Заедничкиот регионален пазар; јавните и надзорните расправи со претставници на извршната власт во врска со проектите од Берлинскиот процес и Планот за раст на Европската комисија како и претставување на Собранието на регионални и меѓународни настани организирани во рамките на Берлинскиот процес.

Во Берлинскиот процес учествуваат 9 земји членки на ЕУ, како и Велика Британија, а од пред една година не се вклучени само Владите, туку и Парламентите. Во моментов со Берлинскиот процес претседава Германија, а од јуни претседавањето ќе го превземе Велика Британија.

Dimitar Kovacevski

На вториот дел од денешниот состанок на парламентарниот пленум на европската енергетска заедница кој се оддржа во Европскиот Парламент во Брисел покрај претставниците на земјите дел од енергетската заедница во дискусиите се вклучија и членови на европскиот парламент од земјите членки на ЕУ. Разговаравме за интеграција на електричната енергија произведена од обновливи извори.

Интеграцијата на земјите членки на европската енергетската заедница на пазарот на електрична енергија на ЕУ е од суштинско значење за
постигнување енергетска сигурност, пазарна ефикасност и енергетска транзиција.
Функционален регионален
пазар на електрична енергија ќе ја олесни интеграцијата на обновливите извори на енергија и ќе ја намали зависноста од фосилни горива.

Подобрата интеграција на ОИЕ е клучна за обезбедување на ефективна и оптимална декарбонизација на патот кон климатска неутралност до 2050 година.

Зајакнувањето на регионалната соработка и прекуграничната трговија со електрична енергија, заедно со инвестициите во мрежата ќе биде клучна за
стабилноста на енергетскиот систем.

За да се забрза оваа транзиција, европската енергетската заедница промовира низа инструменти
воведена во Директивата за обновлива енергија (REDII), како што се шемите за поддршка, договори за набавка на електрична енергија и гаранции за потекло. Истите се од суштинско значење за поттикнување инвестиции, обезбедување транспарентност и верификација на произведената енергија од обновливи извори. Дополнително, REDII овозможува поголем ангажман на граѓаните преку обновливи извори и енергетски заедници, поттикнувајќи подецентрализиран и инклузивен енергетски систем.

Заклучивме дека парламентите имаат значајна улога во обликувањето на регулаторните рамки за поддршка на интеграцијата на обновливите извори на енергија, во поттикнувањето дебата за политиките и да осигураат дека потребните политики и стимулации ќе бидат навремено донесени.

Законодавното дејствување игра одлучувачка улога во унапредувањето на енергетската транзиција преку поттикнување средина поволна за инвестиции, зајакнување на регионалната соработка и усогласување на развојот на мрежата со долгорочните цели за декарбонизација.

Dimitar Kovacevski

Денес заедно со колегата Бојан Стојановски ја претставувавме Македонија на состанокот на парламентарниот пленум на европската енергетска заедница кој се оддржа во Европскиот Парламент во Брисел.

Состанокот го отворија Борис Будка, Претседател на Комитетот за индустрија, истражувања и енергија на ЕП, Јоланда Гарсија, раководителка на одделот на Европската Комисија за односи со енергетската заедница и Артур Лорковски, Директор на Секретаријатот на енергетската заедница.

Во првиот дел од состанокот претставниците на земјите дел од енергетската заедница разговаравме за достапноста на електрична енергија.

Пристапот до достапно снабдување со електрична енергија кое е критично за политичката и економската стабилност
на земјите дел од европската енергетска заедница бара предвидлива законска и регулаторна рамка погодна за развој на конкуренцијата и обезбедување сигурност во снабдувањето.

Целосното транспонирање и спроведување на пакетот за интеграција на електрична енергија ќе овозможи забрзана интеграција на пазарот на електрична енергија на договорните страни во ЕУ, овозможувајќи прекуграничен пристап до поевтина струја, стабилни цени, конкуренција, безбедност во снабдувањето и ликвидност на националните пазари.

Сите присутни ја истакнаа важната улога на националните парламенти во дизајнирањето и спроведувањето на политики за обезбедување долгорочна стабилност на снабдувањето со енергија по пристапни цени со истовремена заштита на ранливите и енергетски сиромашните потрошувачи.

Dimitar Kovacevski

Денес присуствував на дебата на Комисијата за европски прашања и Националниот совет за евроинтеграции за придобивките од Реформската агенда 2024 - 2027.

Се дискутираше за придобивките од Реформската агенда 2024 - 2027, со фокус на можностите за забрзување на процесот на интеграција во ЕУ и зајакнување на клучните институции.

Важно обраќање во однос на градење консензус за пристапување на Македонија во ЕУ имаше Владимир Дробњак, поранешен главен преговарач за пристапните преговори на Хрватска со ЕУ - експерт на УНОПС и поранешен советник на македонскиот преговарачки тим со европската унија 🇲🇰🇪🇺